Rusiya Federasiyasının Həştərxan şəhərində Rusiya Federasiyası Mədəniyyət Nazirliyinin təşkilatı dəstəyi ilə "Qızıl çölün səsləri" adlı V beynəlxalq etnomusiqi festival-müsabiqəsi keçirilib. SİA-nın məlumatına görə, Azərbaycan Respublikası Mədəniyyət və Turizm Nazirliyinin maddi və təşkilati köməkliyi ilə sözügedən festivalda ölkəmizi Azərbaycan Milli Konservatoriyasının tələbələri-Cahandar Xanlarov və Ağayar Xanlarov (instrumental ifa) və Azərbaycan Dövlət Mədəniyyət və İncəsənət Universitetinin tələbəsi Azər Səlimli (xanəndəlik) təmsil edib.
200-dən artıq iştirakçısı olan festival-müsabiqədə beynəlxalq münsiflər heyətinin qərarı ilə Ağayar Xanlarov və Cahandar Xanlarov "ənənəvi xalq çalğı alətləri" nominasiyası üzrə müvafiq olaraq I və II dərəcəli diploma və laureat adına, Azər Səlimov isə solo oxuma (xalq mahnıları) nominasiyası üzrə III dərəcəli diploma və laureat adına layiq görülüblər.
Eyni zamanda Azərbaycan nümayəndə heyətinin üzvlərinin iştirakı ilə "Aстрахань-24" yerli televiziya kanalı üçün veriliş hazırlanmış, ölkəmizin təmsilçiləri Qala konsertdə iştirak etmiş, habelə ustad dərsləri veriblər.
Bütün xəbərlər Facebook səhifəmizdə
USD
EUR
GBP
RUB