Moskvada Türkiyənin və Rusiyanın nümayəndələri Türkiyə ticarət gəmilərinin Ukrayna limanlarından təhlükəsiz çıxışını və taxıl ixracını müzakirə edib.
SİA-nın əldə etdiyi məlumata görə, Rusiya-Ukrayna müharibəsindən qaynaqlanan “ərzaq böhranı”nın həlli üçün Türkiyənin başlatdığı diplomatik təşəbbüslər və Milli müdafiə naziri Hulusi Akar arasında aparılan danışıqlardan sonra Türkiyə Ukrayna və Rusiya arasında “qırmızı xətt diplomatiyası” müsbət nəticə verməyə başlayıb.
Həmin çərçivədə iyunun 21-də Moskvada Rusiya Federasiyası Müdafiə Nazirliyi və Türkiyənin Milli Müdafiə Nazirliyinin nümayəndə heyətləri arasında danışıqlar aparılıb.Tərəflər Türkiyə ticarət gəmilərinin Ukrayna limanlarından təhlükəsiz çıxışını və taxılın ixracını, eləcə də Qara dənizdə təhlükəsiz naviqasiyanın təmin edilməsinə yanaşmaları müzakirə ediblər.
Ukrayna limanlarından taxıl yüklü ticarət gəmilərinin boşaldılmasının müzakirə edildiyi görüşdə problemin həlli üçün Türkiyə, Rusiya, Ukrayna və BMT arasında danışıqlar üçün anlayışın yaradıldığı öyrənilib.
Türkiyə və Rusiya Müdafiə Nazirliklərinin nümayəndə heyətləri Mariupol limanından, o cümlədən Türkiyənin “Azov Concorde” quru yük gəmisinin çıxışını təmin etməyə imkan verən ikitərəfli əməkdaşlığın vacibliyini vurğulayıblar.
Türkiyə ilə Rusiya arasında məsləhətləşmələrin davam etdirilməsi ilə bağlı razılıq əldə olunub.
Bütün xəbərlər Facebook səhifəmizdə
USD
EUR
GBP
RUB
