İmran Xan növbədənkənar seçki tələbindən imtina etmir

Pakistanın keçmiş baş naziri İmran Xan növbədənkənar seçkilərin keçirilməsi üçün hökumətə təziyiq etməkdə davam edir.

Keçmiş Baş nazir tərəfdaşlarına çağırış edib ki, mayın 25-də paytaxt İslamabadda yürüşə çıxaraq növbədənkənar seçki tələblərini səsləndirsinlər.

SİA-nın əldə etdiyi məlumata görə, İmran Xan Peşavər şəhərində etdiyi çıxışında : “Yeni hökuməti rəsmiyyətə tanımıyacayıq. Biz növbədən kənar seçkilərin keçirilməsini istəyirik. Hökümət bu tələbimizə biganə qalmamalı və bunu səsləndirmək üçün təşkil edəcəyimiz aksiyalara müdaxilə etməməlidir”.

Xatırladaq ki, Aprelin 10-da Pakistan parlamentində keçirilən etimad səsverməsi nəticəsində İmran Xanın hökuməti ləğv edildi. Aprelin 11-də keçirilən seçkidə ölkədə üç dəfə baş nazir olmuş Nəvaz Şərifin qardaşı Şahbaz Şərif 174 səslə mütləq əksəriyyətin dəstəyi ilə baş nazir seçildi.

Bütün xəbərlər Facebook səhifəmizdə

loading...