Dünya əhalisinin təxminən yarısı son bir il ərzində ən azı 30 gün ərzində həddindən artıq istilərin artması ilə üzləşib.
SİA-nın məlumatına görə, bu barədə Nyu-Cersidə yerləşən müstəqil alimlər qrupu Climate Central-ın hesabatında bildirilir.
...12 ay ərzində (2024-cü ilin mayından 2025-ci ilin mayına qədər) 4 milyard insan - Yer kürəsi əhalisinin təxminən 49 faizi iqlim dəyişikliyi səbəbindən ən azı 30 əlavə həddindən artıq istilər yaşayıb.
Tədqiqatın müəllifləri 2024-cü ilin iyulunda Aralıq dənizi regionunda, 2024-cü ilin iyununda Meksika və ABŞ-da, 2025-ci ilin fevralında Cənubi Sudanda və 2025-ci ilin martında Mərkəzi Asiyada da daxil olmaqla 67 həddindən artıq isti dalğasını müəyyən ediblər.
Alimlərin fikrincə, temperatur göstəricilərinin aşılması hallarının hamısı qlobal istiləşmənin nəticəsi olub.
Qeyd olunur ki, nəzərdən keçirilən 232 ölkədən 195-də həddindən artıq isti günlərin sayı hazırkı iqlim dəyişikliyindən əvvəlki səviyyələrlə müqayisədə iki dəfə artıb.
Kopernik Avropa İqlim Dəyişikliyi Bürosunun məlumatına görə, 2024-cü il tarixdə ən isti il olub. İlk dəfə olaraq qlobal orta temperatur sənayedən əvvəlki səviyyəni 1,5 dərəcə Selsi keçib və dəniz səthinin orta illik temperaturu rekord səviyyəyə - 20,87 dərəcəyə çatıb.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB