Pakistanın Kəraçi şəhərində bu gün başlayan və noyabrın 22-dək davam edəcək IDEAS Beynəlxalq Müdafiə Sərgisi və Seminarında Türkiyənin müdafiə sənayesi şirkətləri öz məhsullarını tanıdır.
SİA xəbər verir ki, cari il 12-ci dəfə keçirilən "IDEAS 2024" sərgisində dünyanın hər yerindən rəsmi nümayəndə heyətləri və müdafiə sənayesi istehsalçıları iştirak edir.
İki ildən bir keçirilən və bölgənin ən mühüm müdafiə yarmarkalarından biri olan tədbirdə Türkiyənin müdafiə sənayesindən 21 şirkət iştirak edir.
Sərgi zamanı Türkiyənin müdafiə sənayesi şirkətləri tərəfindən istehsal olunan müxtəlif pilotsuz quru və hava vasitələri, zirehli texnika platformaları, silahlar, dəniz, elektron sistemlər, sursatlar, simulyatorlar və logistika dəstək məhsulları iştirakçılara təqdim olunur.
Bundan əlavə, tədbirdə qabaqcıl texnoloji imkanlar haqqında məlumatlar paylaşılacaq və əməkdaşlıq imkanları qiymətləndiriləcək.
Bütün xəbərlər Facebook səhifəmizdə
USD
EUR
GBP
RUB