...Sinqapurda yerləşən Nipsea Group şirkətinin mütəxəssisləri qabaqcıl ultra qara örtük hazırlayıblar. Material bütün görünən işıq dalğa uzunluqlarının orta hesabla 99,9 faizini udmaq qabiliyyətinə malikdir.
SİA xəbər verir ki, bu barədə Gizmodo məlumat verib.
Yeni örtüyün görünən spektrdə orta əks etdirmə qabiliyyəti 0,08 faiz təşkil edir.
Müqayisə üçün, kommersiya baxımından mövcud olan Vantablack materialı 0,05 faiz əks etdirmə qabiliyyətinə, şaquli şəkildə düzülmüş nanotub massivləri isə 0,04 faiz göstəricisinə malikdir.
Tədqiqatçılar his və karbon nanotubları arasındakı təbii cazibədən istifadə ediblər. Bu, hissəciklərin işığı daha yaxşı udmaq üçün qarışıqda uyğunlaşmasına imkan verib.
Tünd rəngli materiallar tez-tez avtomobilin dizayn detallarını gizlədir. Bunun qarşısını almaq üçün tərtibatçılar avtomobilin üçölçülü görünüşünü qoruyan parlaq üst örtük əlavə ediblər.
Matter & Light jurnalında dərc olunmuş bir araşdırmaya görə, örtük heç bir görünən qüsur olmadan yapışma testlərindən (müxtəlif bərk və ya maye materialların molekulyar səviyyədə bir-birinə yapışma qabiliyyəti) uğurla keçib.
Örtüklü panellər 40°C temperatura davam gətirmiş, 10 gün su hamamında saxlanılmış və iki həftə ərzində 95 faiz rütubətə məruz qalmışdır. Lakin müəlliflər bu nəqliyyat vasitələrini şəhər küçələrində kommersiya məqsədləri üçün istifadə etməzdən əvvəl daha da təkmilləşdirmələrə ehtiyac olduğunu qeyd edirlər.
Nipsea tədqiqatçı kimyaçısı Çjivei Liu qeyd edib ki, "Karbon nanotubları olan nanomaterialların praktik istehsal qabiliyyətini artırmaq üçün hələ də imkan var".
BMW əvvəllər Britaniya şirkəti Surrey Nanosystems-dən ultra qara Vantablack boyasını X6 konsept avtomobilinə tətbiq etmişdi.
Səth ikiölçülü effekt yaratsa da, texnologiya heç vaxt seriya istehsalına çatmamışdı. Lakin Sinqapurlular bu cür lüks nəqliyyat vasitələrinə artan tələbatı ödəməyi planlaşdırırlar.
...Çində avtomobil rəngi əsas satış nöqtəsinə çevrilib. Tünd qara rəng zərif görünüşü, güclü vizual təsiri və lüks alt çalarları sayəsində uzun müddətdir ki, lüks avtomobillər üçün premium seçim və imza rəngidir,-Liu deyir.
Nazlı Almuradova
Bütün xəbərlər Facebook səhifəmizdə
.png)
USD
EUR
GBP
RUB