Kanada İranla oyundan imtina edib

Bu arada Kanada Futbol Federasiyası Kanada və İran arasında keçiriləcək yoldaşlıq oyununu ləğv etdiyini açıqlayıb. Qarşılaşmanın ləğv edilməsinin səbəbləri açıqlanmayıb.

SİA İranın “IRNA” agentliyinə istinadən bildirir ki, Kanada Futbol Federasiyası iyunun 5-də baş tutmalı olan və Kanada yığmasının 2022-ci il dünya çempionatına hazırlığının bir hissəsi olan İrana qarşı oyunu ləğv edib

Qeyd edək ki, komandalar dünya çempionatına Qətərdə hazırlaşırlar. Onu da bildirək ki, dünya çempionatı noyabrın 21-dən dekabrın 18-dək Qətərin 5 şəhərində keçiriləcək.

İran millisi İngiltərə, ABŞ və Avropa pley-offunun qalibi olan ölkə (Ukrayna və ya Şotlandiya/Uels) komandaları ilə birlikdə B qrupunda mübarizə aparacaq.

Əli Babayev

Bütün xəbərlər Facebook səhifəmizdə

loading...