"Real Madrid" Braziliya futbolçusu ilə müqavilə bağlayıb

Braziliya "Flamenqo"sunun futbolçusu Reynir Jezusla İspaniya "Real Madrid"i ilə 2026-cı ilin yayınadək müqavilə bağlayıb. SİA-nın məlumatına görə, 18 yaşlı yarımmüdafiəçi 2020-ci il Tokio Yay Olimpiya Oyunlarına lisenziya xarakterli turnirdə Braziliya yığmasının heyətindən çıxışını başa vurduqdan sonra "kral klubu"nun ikinci komandası "Kastilya"ya qoşulacaq.

Transfer məbləği rəsmən açıqlanmasa da, bəzi mətbu orqanlar "Flamenqo"ya 35 milyon avro ödənildiyini iddia edirlər. Bu məbləğin 80 faizi Braziliya klubuna, qalanı isə oyunçunun özü və agentinə çatacaq.

Qeyd edək ki, Reynir Jezus 2019-cu il mövsümündə Braziliya çempionatında 14 oyuna 6 qol və 2 məhsuldar ötürmə müəllifi olub. O, son illərdə "Real Madrid"ə Braziliya çempionatından keçən üçüncü futbolçudur. "Kral klubu" 2017-ci ildə "Flamenqo"dan cinah yarımmüdafiəçisi Vinisius Junioru, 2018-ci ildə isə "Santos"dan hücumçu Rodriqo Qoesi alıb.

Bütün xəbərlər Facebook səhifəmizdə

loading...