"Dünənki mərhələ çox çətin oldu və hamı yoruldu. Bu gün isə çox maraqlı mübarizə baş tutdu. Yaxşı komandamız var, birgə işlədik və gücümüzü tam ortaya qoyduq". SİA-nın məlumatına görə, bunu "Tour d’Azerbaidjan-2017" beynəlxalq velosiped yarışının 3-cü mərhələsinin qalibi, "Synergy Baku"nun keçmiş üzvü, hazırda Avstriyanın "Amplatz BMC" komandasının şərəfini qoruyan sloveniyalı Matey Müqerli deyib.
O, finişə 200 metr qalmış birincilik uğrunda var gücü ilə mübarizəyə başladığını bildirib: "Əlimdən gələni etdim və istəyimə nail oldum. Artıq 4-cü dəfədir burada yarışıram. Bu da marşrutu əzbər bilməyimə kömək edir. "Synergy Baku" mənim üçün doğmadır, çünki uzun müddət bu komandanın üzvü olmuşam".
Qeyd edək ki, M.Müqerli bu mərhələdə 177 km-lik məsafəni 4 saat, 20 dəqiqə, 32 saniyəyə başa vurub.
Bütün xəbərlər Facebook səhifəmizdə
USD
EUR
GBP
RUB