"Xəzər Lənkəran"ın akademiyası üçün həftənin əvvəli U-17 komandasının "Neftçi"yə məğlubiyyəti ilə başlayıb. SİA-nın məlumatına görə, əsas heyətin üzvləri Yusif Həsənovun yoxluğu və İbrahim Qədirzadənin yalnız bir hissə meydanda olması komandanın oyununa təsirsiz ötüşməyib - 0:3.
Növbəti gün isə U-15 komandası ardıcıl 7-ci qələbəsini və eyni zamanda "quru" oyununu rəsmiləşdirib. Bu dəfə AZAL-ın qonağı olan Mircəlal Əliyevin komandası avtoqol və Etibar Suleymanovun qolu sayəsində 2:0 hesabı ilə qalib gəlib.
U-19 komandasının da çempionata startını uğurlu hesab etmək olar. Öz meydanında kifayət qədər güclü və təcrübəli "Zirə"ni qəbul edən komanda böyükhesablı qələbəyə sevinib - 4:1. Bu oyunda da qollardan birini rəqib öz qapısından keçirib. Digər üç qol isə Arzu İsmayılov, Milad Bayramov və Kənan Sadıxovun aktivindədir.
U-16 komandası da bu tur evdə "Zirə"ni qəbul edib. Namiq Qarayevin yetirmələri də 4 qol vurub və qapısını toxunulmaz saxlaya bilib. Xəqani Sadıqov bu oyunda dubl edib, Nurlan Fərəcli və Samir Quliyev isə hərəyə bir dəfə fərqləniblər.
Bütün xəbərlər Facebook səhifəmizdə
USD
EUR
GBP
RUB