"Qarabağ" gündə 2 dəfə olmaqla Premyer Liqanın VI turunda qarşılaşacağı "Turan"la oyunun hazırlıqlarını davam etdirir. Siasport.az saytının məlumatına görə, komandanın üzvü Namiq Yusifov AZAL-a sonuncu turdakı məğlubiyyət və "Turan"la qarşıdan gələn haqda danışıb: "Başa düşə bilmirəm, niyə hamı hələ də AZAL-a məğlubiyyətdən danışır. Düzdür, "Qarabağ" kimi komandanın belə məğlubiyyəti yolverilməzdir, amma heç kim bundan sığortalanmayıb. "Real" da "Barselona"ya eyni hesabla uduzmuşdu. Amma bugün İspaniya çempionu sayılırlar. Bizim sadəcə itirdiyimiz 3 xaldı. Yəni, nəzəri cəhətdən heç nə itirilməyib. Çempionat hələ yeni başlayıb. Daim qabağa baxmalıyıq. İndi hədəfimiz "Turan"la oyundur. "Turan" bu il olduqca əzmkar təsir bağışlayır. AZAL-la oyunumuzdan sonra yəqin daha da həvəsləniblər. Amma biz vəziyyətdən nəticə çıxarmağa çalışacağıq. Qurban müəllim bunun üzərində işləyir. Əmin ola bilərsiz ki, "Qarabağ"a heç nə olmayıb".
Bütün xəbərlər Facebook səhifəmizdə
USD
EUR
GBP
RUB