Bu gün
"Bakı" klubunun yeni istifdəyə verilmiş təlim-məşq bazasında mətbuat konfransı
keçirilib.Siasport.az saytı xəbər verir ki, konfransda komandanın Marketinq və Media Departamentinin
rəhbəri Nəriman Mehdiyev əvvəlcə dünən ölkə başçısı, Prezident İlham Əliyevin təlim-məşq bazasının
açılış mərasimində iştirak etdiyini bildirib: "Dünən \"Bakı\" klubunun yeni təlim-məşq bazasının açılışı olub. Mərasimdə Prezident İlham Əliyev də iştirak edib".
Klub rəsmisi uşaq futboluna ciddi fikir
verdiklərini diqqətə çatdırıb. Onun sözlərinə görə, 2008-cü ildən uşaq futboluna xüsusi diqqət yetirilməyə
başlanılıb və bunun nəticəsi olaraq bu gün 8-17 yaş qruplarında futbolçu
yetişir. 18 ay ərzində bu rəqəmin 1000-ə çatacağı gözlənilir: "Bu gün klubumuzda möhtəşəm şərait yaradılıb. Məhz 2004-cü ildən
klubumuza Hafiz Məmmədovun rəhbərlik etməsindən sonra komanda sürətli
inkişafdadır, peşəkar fəaliyyət göstərir. Hazırda şəraitinə görə, "Bakı"nın A
komandası Avropanın qabaqcıl klubları sırasındadır. Ancaq uşaq futboluna daha
çox qayğı göstərilir. İldə iki dəfə seçim turları keçirilir. Burada minlərlə
uşaq iştirak edir. Onların arasından ən istedadlılar seçilirlər. Ancaq çox
təəssüf ki, əsas komanda yaradılan şəraitin qarşılığını vermir. Buna görə
məşqçilər və futbolçular günahkardırlar, məsuliyyət daşıyırlar. Onlardan bu
uğursuzluqlara son qoyulması tələb edilib". Futbolumuzun problemlərinə toxunan
N.Mehdiyev çatışmazlıqlar barədə danışıb: "Futbolun inkişaf etdirilməsi mürəkkəb
sistemdir. Xarici ölkələrdə 2-3 yaşından uşaqlara yavaş-yavaş topla davranış
öyrədilir. Azərbaycanda futbolun bünövrəsi çox zəifdir. Vaxtında uşaq futboluna
ciddi fikir verilməyib. Bu gün 10-15 illlik boşluğun acı nəticələrini görürük.
Hazırda ölkədə rəqabətədavamlı və 90 dəqiqənin sonuna kimi mübarizə aparan
komanda yoxdur. Problemləri tədricən aradan qaldırdıqdan sonra 3-5 il ərzində
klublarımız Avropa yarışlarında lazımi nəticələr qazana biləcəklər. Doğrudur,
bəzən qələbələr olur, ancaq bu, azdır".
Sonda "Bakı" rəsmisi klubun prezidenti Hafiz
Məmmədov və fəxri prezident Anar Məmmədovun komanda üçün gördüyü işlərin
əhəmiyyətini vurğulayıb.
Bütün xəbərlər Facebook səhifəmizdə
USD
EUR
GBP
RUB