Frankfurt polisi AVRO-2024-ün 1/8 final mərhələsində stüardların Portuqaliya - Sloveniya matçının azarkeşini döydüyünü əks etdirən videodan sonra araşdırmaya başlayıb.
SİA Qol.az-a istinadən xəbər verir ki, bu barədə "Reuters" məlumat yayıb. Frankfurt polisi artıq məsələni nəzarətə götürüb. Azarkeşi döyən stüardların məsuliyyətə cəlb ediləcəyi bildirilib.
Bundan əvvəl UEFA məsələ ilə əlaqədar açıqlama yayıb. Qurum azarkeşi döyən stüardları qınayıb.
Qeyd edək ki, hadisə Frankfurtdakı "Doyçe Bank Park" stadionunda yaşanıb. Oyundan sonra Portuqalya mediasının yaydığı videodan görünür ki, portuqaliyalı olduğu ehtimal edilən iki azarkeş stüardlar tərəfindən döyülüblər. Onlardan biri başından yumruq və təpik zərbələri alıb. Bu zaman həmin stüarda onun həmkarları da kömək edib. Digər azarkeş isə bu vaxt yerdə uzanılı vəziyyətdə qalıb.
Bütün xəbərlər Facebook səhifəmizdə
USD
EUR
GBP
RUB