Ermənistan hərbi bölmələri mülki şəxsləri və evləri atəşə tutub

Bu gün Ermənistan silahlı qüvvələri tərəfindən Tovuz rayonu istiqamətində açılmış artilleriya atəşi nəticəsində mülki şəxslərin əmlakı dağılıb, xeyli maddi ziyan dəyib. SİA-nın Qərb bürosuna bu barədə yerli sakinlər xəbər veriblər. Faktı İcra Hakimiyyətindən də təsdiq ediblər.

Belə ki, Tovuz rayonunun Dondar Quşçu kəndinin ərazisinə mərmilərin düşməsi nəticəsində 1 fərdi yaşayış evinə və 3 həyətyanı torpaq sahəsinə ziyan dəymişdir, o cümlədən

1. 1948-ci il təvəllüdlü Əliyeva Telarə Əhməd qızına məxsus fərdi yaşayış evinə.

2. 1981-ci il təvəllüdlü Əliyeva Samirə Nurəddin qızına məxsus həyətyanı torpaq sahəsinə.

3. 1973-cü il təvəllüdlü Hüseynov Aydın Məhəmməd oğluna məxsus həyətyanı torpaq sahəsinə.

4. 1986-cı il təvəllüdlü Rüstəmov Zeynal Əli oğluna məxsus həyətyanı torpaq sahəsinə ziyan dəyib.

Bütün xəbərlər Facebook səhifəmizdə

loading...