Bu gün Ermənistan silahlı qüvvələri tərəfindən Tovuz rayonu istiqamətində açılmış artilleriya atəşi nəticəsində mülki şəxslərin əmlakı dağılıb, xeyli maddi ziyan dəyib. SİA-nın Qərb bürosuna bu barədə yerli sakinlər xəbər veriblər. Faktı İcra Hakimiyyətindən də təsdiq ediblər.
Belə ki, Tovuz rayonunun Dondar Quşçu kəndinin ərazisinə mərmilərin düşməsi nəticəsində 1 fərdi yaşayış evinə və 3 həyətyanı torpaq sahəsinə ziyan dəymişdir, o cümlədən
1. 1948-ci il təvəllüdlü Əliyeva Telarə Əhməd qızına məxsus fərdi yaşayış evinə.
2. 1981-ci il təvəllüdlü Əliyeva Samirə Nurəddin qızına məxsus həyətyanı torpaq sahəsinə.
3. 1973-cü il təvəllüdlü Hüseynov Aydın Məhəmməd oğluna məxsus həyətyanı torpaq sahəsinə.
4. 1986-cı il təvəllüdlü Rüstəmov Zeynal Əli oğluna məxsus həyətyanı torpaq sahəsinə ziyan dəyib.