Ölkəmizdə yanvarın 29-na təyin olunmuş bələdiyyə seçkiləri ilə əlaqədar qərb bölgəsində fəaliyyət göstərən 38 saylı Gəncə birinci, 39 saylı Gəncə ikinci, 40 sayılı Gəncə üçüncü və 41 saylı Gəncə-Samux–Goranboy seçki dairələrində treninqlər keçirilir. Seçki komissiyaları üzvlərinin məlumatlılığının və peşəkarlıq səviyyəsinin artırılması məqsədi ilə keçirilən təlimlərdə məntəqə seçki komissiyalarının sədrləri, katibləri və üzvləri iştirak edirlər. SİA xəbər verir ki, 39 saylı Gəncə ikinci dairə seçki komissiyasının katibi Rauf Qurbanov bildirib ki, dairədə fəaliyyət göstərən 36 seçki məntəqəsinin üzvləri üçün treninqlər bir neçə gün davam edəcək. “Təlimlərdə iştirakçılara seçki məntəqələrinin səsverməyə hazırlanması, səsvermə prosesi və seçki günü müstəsna hallar da daxil olmaqla, bütün seçki günü prosedurlar müxtəlif metodiki və yardımçı vəsaitlərdən də istifadə edilməklə əyani formada çatdırılır,” - deyə 39 saylı Gəncə ikinci dairə seçki komissiyasının baş məsləhətçisi Vüsal Qurbanov deyib.
Treninqlər çərçivəsində, həmçinin seçki günü prosedurlarına dair müxtəlif məsələlər ətrafında geniş müzakirələr aparılır, suallar cavablandırılır.
Bütün xəbərlər Facebook səhifəmizdə
USD
EUR
GBP
RUB