“Heydər Əliyev Fondu tək Azərbaycanda yox, bütün dünyada ən tanınmış humanitar Fondlardan biridir. Avropanın bir neçə ölkələrində, o cümlədən Vatikanda, Asiya ölkələrində humanist addımlar atılmış, tarixi abidələr bərpa olunmuşdu. Bu Azərbaycanın humanist, mədəni və multikultural addımı idi”. Bu sözləri SİA-ya açıqlamasında deputat Rüfət Quliyev deyib.
Onun sözlərinə görə, Birinci vitse-prezident Mehriban xanım Əliyevanın rəhbərliyi ilə Qarabağda, yəni işğaldan azad olunmuş torpaqlarda böyük işlər gedir: “Düşünürəm ki, bunlar tarixə yazılacaq işlərdir. Bundan sonra əsrlər keçəcək, amma insanların hamısının yadında qalacaq. Bu çox bəyənilən təşəbbüsdür”.
Deputat sözlərinə belə davam edib: “Bəşəriyyətin tarixində iz qoyan belə addımlar barəsində həmişə çox müsbət fikirdəyəm. Azərbaycanda və kənarda yaşayan minlərlə insan Heydər Əliyev Fondunun fəaliyyətinə çox yüksək qiymət verirlər”.
Ayşən Vəli
Bütün xəbərlər Facebook səhifəmizdə
USD
EUR
GBP
RUB
