Ölkəmizin İrandakı səfirliyi və Təbrizdəki baş konsuluğu itkin düşmüş iki Azərbaycan vətəndaşının taleyi ilə bağlı İran Xarici İşlər Nazirliyi ilə müvafiq görüşləri davam etdirir.
SİA-nın verdiyi məlumata görə, bunu xarici işlər naziri Elmar Məmmədyarov açıqlamasında deyib.
"Bir sıra sənədlərə, o cümlədən Vyana Konvensiyasına əsaslanaraq ümid edirik ki, İran tərəfi təkcə vətəndaşlarımızın saxlanma səbəblərini açıqlamayacaq, həm də çox güman ki, hansısa istintaq təcridxanasında saxlanan vətəndaşlarımızla ünsiyyətə imkan yaradacaq", - deyə XİN başçısı bildirib.
E.Məmmədyarov qarşılıqlı notaların verilməsi, iki vətəndaşımızın İranda saxlanması kimi halların Azərbaycan-İran münasibətlərinə təsirini dəyərləndirib. XİN başçısı bildirib ki, iki ölkə arasında gərginliyini yaranmasının günahkarı Azərbaycan deyil: "Bunu dəyərləndirmək çətindir, münasibətlərin gərginləşməsində günahkar biz deyilik. İranla Azərbaycan arasında min illərlə mövcud olan dərin münasibətləri nəzərə alsaq, biz həmişə normal, dinc qonşuluq münasibətlərinə tərəfdar olmuşuq".
Bütün xəbərlər Facebook səhifəmizdə
USD
EUR
GBP
RUB