Bərdədə üç minik avtomobilinin iştirakı ilə zəncirvari yol qəzası baş verib.
SİA yerli mənbələrə istinadən xəbər verir ki, hadisə Mingəçevir-Bəhrəmtəpə avtomobil yolunun Bərdə rayonunun Mehdili kəndi ərazisindən keçən hissəsində qeydə alınıb.
Belə ki, “Toyota Camry” markalı, 10-RE-858 dövlət qeydiyyat nişanlı, VAZ-2107 markalı, 77-GZ-516 dövlət qeydiyyat nişanlı və 41-BE-260 dövlət qeydiyyat nişanlı avtomobillər toqquşub.
Toqquşma nəticəsində “Toyota Camry” və VAZ-2107 markalı avtomobillər yolun müxtəlif istiqamətlərindəki kənarlarına düşüb.
Şahidlərin sözlərinə görə, VAZ-2107 markalı avtomobildə olan 4 nəfər müxtəlif dərəcəli bədən xəsarətləri alıb.
Faktla bağlı araşdırma aparılır.
Bütün xəbərlər Facebook səhifəmizdə
USD
EUR
GBP
RUB