Hindistanda yeddi günlük matəm elan edilib

Hindistan hökuməti sabiq Baş nazir Atal Bixari Vadjpainin vəfatı ilə əlaqədar ölkədə yeddigünlük matəm elan edib. TASS informasiya agentliyi xəbər verir ki, matəm avqustun 16-dan 22-dək davam edəcək. Sabiq Baş nazir avqustun 16-da 93 yaşında dünyasını dəyişib. O, 1996 və 1998-2004-cü illərdə Hindistan hökumətinə rəhbərlik edib.

1998-ci ildə Vadjpai hökumətinin nüvə silahı sınaqlarının keçirilməsini sanksiyalaşdırması Hindistan-Pakistan münasibətlərinin mürəkkəbləşməsinə gətirib çıxarmışdı. “Asiaweek” həftəliyinin ekspert-politoloqlar arasında keçirdiyi sorğunun nəticələrinə görə, Vadjpai 2000-ci ildə Asiyada ən yaxşı hökumət rəhbəri adlandırılmışdı.

O, bir neçə şeirlər toplusunun və kitabının müəllifidir.

Bütün xəbərlər Facebook səhifəmizdə

loading...