Rusiyanın Soçi şəhərində iki avtomobilin qarşı-qarşıya toqquşması nəticəsində dörd nəfər ölüb

Rusiyanın Soçi şəhərində “Volkswagen Polo” və “Range Rover” markalı avtomobillərin qarşı-qarşıya toqquşması nəticəsində dörd nəfər ölüb, bir nəfər xəstəxanaya yerləşdirilib.

SİA “RİA Novosti”yə istinadən xəbər verir ki, qəza səhər saat 06:00 radələrində Krasnaya Polyanadakı Adler – Alpika-Servis magistralının 20-ci kilometrliyində qeydə alınıb.

Avtoqəza nəticəsində “Volkswagen”in sürücüsü və üç sərnişini ölüb. “Range Rover”in sürücüsü isə xəstəxanaya çatdırılıb.

Hadisə yerinə polis əməkdaşları, təcili tibbi yardım xidmətlərinin əməkdaşları gəliblər. İlkin məlumatlara görə, “Volkswagen” markalı avtomobili idarə edən sürücü “Range Rover” markalı avtomobilin yoluna çıxıb və avtomobillər toqquşub.

Bütün xəbərlər Facebook səhifəmizdə

loading...