...ABŞ hakimiyyəti Rusiya xarici işlər nazirinin müavini Aleksandr Alimova Birləşmiş Millətlər Təşkilatının Təhlükəsizlik Şurasının iclasında iştirak etmək üçün viza verməyib.
SİA xəbər verir ki, Rusiyanın BMT-dəki daimi nümayəndəsi Vasili Nebenzya bu barədə TASS-a məlumat verib.
Onun sözlərinə görə, Alimov hazırda Təhlükəsizlik Şurasına sədrlik edən Çinin xarici işlər nazirinin dəvəti ilə Rusiya nümayəndə heyətinin tərkibində olmalı idi.
...Lakin Amerika tərəfindən viza almaq üçün bütün cəhdlərimizə baxmayaraq, viza verilməyib, - deyə Nebenzya şikayətlənib.
Rusiyanın daimi nümayəndəsi ABŞ-ı BMT-nin qərargahına ev sahibliyi edən dövlət kimi "öhdəliklərini pozmaqda" günahlandırıb və qeyd edib ki, təşkilatın üzv dövlətlərindən "istisnasız bütün rəsmi şəxslərin" girişini təmin etməlidir.
O, həmçinin Alimov-un viza verməməsini Çinin Təhlükəsizlik Şurasına sədrliyinə və iclasın mövzusu olan BMT Nizamnaməsinə qarşı "açıq hörmətsizlik" adlandırıb.
Bu, son dövrlərdə Vaşinqton və Moskva arasında baş verən ilk belə hadisə deyil.
Aprelin 28-də Nebenzya, ABŞ BMT Baş Assambleyasının İnformasiya Komitəsinin iclasında iştirak etmək üçün Rusiya nümayəndəsinə viza verməkdən imtina etdiyini bildirib.
Əli Babayev
Bütün xəbərlər Facebook səhifəmizdə
USD
EUR
GBP
RUB