Çin və Avropa arasında tərəfdaşlıq çərçivəsində hazırlanmış maqnitosfer tədqiqat peyki kosmosa buraxılıb.
SİA-nın xarici mətbuata istinadən verdiyi xəbərə görə, Çin Elmlər Akademiyası (CAS) və Avropa Kosmik Agentliyi (ESA) tərəfindən Günəş küləklərinin Yerin maqnit sahəsi ilə qarşılıqlı təsirini müşahidə etmək üçün birgə hazırlanmış maqnitosfer tədqiqat peyki kosmosa buraxılıb.
Sinxua xəbər agentliyinin məlumatına görə, "Günəş Küləyi Maqnetosferi-İonosfer Qarşılıqlı Əlaqə Kəşfiyyatçısı" (SMILE) adlı peyk Fransa Qvianasındakı Kuru Kosmik Mərkəzindən "Vega-C" raketi ilə kosmosa buraxılıb.
42 gün ərzində orbitdə manevrlər edərək təyin olunmuş müşahidə mövqeyinə çatması planlaşdırılan peyk, 2 aylıq orbital sınaqlardan sonra 3 illik müntəzəm müşahidə mərhələsinə qədəm qoyacaq.
Maqnitosfer Yer kürəsini günəş küləklərinin yaydığı elektrik yüklü hissəciklərdən qoruyan bir qalxan rolunu oynayır. Alimlər uzun müddətdir ki, maqnitosferi yalnız yerində, nöqtə əsaslı ölçmələr vasitəsilə müşahidə edə bilirlər.
CAS ilə əlaqəli Milli Kosmik Elmlər Mərkəzinin (NSSC) direktoru və SMILE layihəsinin baş tədqiqatçısı Vanq Çi bildirib ki, ilk dəfə olaraq günəş küləyi-maqnitosfer qarşılıqlı təsirinin qlobal görüntüsünü həyata keçirəcək peyk günəş külək enerjisinin Yerin maqnit sahəsinə necə daxil olması, yayılması və dağılması barədə vahid bir mənzərə təqdim edəcək.
CAS və ESA arasında kosmik missiya səviyyəsində ilk elmi tədqiqat əməkdaşlığı olan bu layihə, Yerin maqnit sahəsi ilə günəş küləkləri arasındakı qarşılıqlı təsirin sirlərini açmaqla kosmik meteorologiyada yeni bir yol açmağı hədəfləyir.
Lətifə Abdiyeva
Bütün xəbərlər Facebook səhifəmizdə
USD
EUR
GBP
RUB
