...Dünyanın ən böyük konteyner operatorları olan Maersk, Hapag-Lloyd və CMA CGM, ABŞ və İsrailin İrana hücumlarından sonra Süveyş kanalı, eləcə də Hörmüz boğazı ətrafında təcili marşrut dəyişiklikləri, gəmilərin istiqamətinin dəyişdirilməsini elan ediblər.
SİA-nın əldə etdiyi məlumata görə, bu barədə “The Wall Street Journal” yazır.
...Maersk, pisləşən təhlükəsizlik vəziyyətinə görə, Qırmızı dənizlə Ədən körfəzi arasında Süveyş kanalına aparan əsas boğaz nöqtəsi olan Bab əl-Məndəb boğazından gəmilərinin keçidini müvəqqəti olaraq dayandırdığını açıqlayıb.
Yaxın Şərq və Hindistandan Aralıq dənizinə və ABŞ-ın Şərq sahillərinə gedən bütün marşrutlar Ümid burnu ətrafından keçəcək.
Şirkət həmçinin Hörmüz boğazından keçən bütün keçidləri dayandırır ki, bu da Fars körfəzi limanları üçün gecikmələrə və cədvəl düzəlişlərinə səbəb olacaq.
Hapag-Lloyd, Yaxın Şərqdəki münaqişə və Hörmüz boğazının rəsmi bağlanması səbəbindən gəmilərinin bu hissədən tranzitini tamamilə dayandırıb.
Hindistanı, Yaxın Şərqi və Aralıq dənizini birləşdirən IMX xidməti artıq Afrikanı da əhatə edir.
CMA CGM, müştərilərinin gəmilərini və yüklərini qorumaq üçün təcili tədbirlər gördüyünü açıqlayıb.
Şirkətin Fars körfəzindəki 14 gəmisinin hamısına və marşrutda olan daha yeddi gəmiyə dərhal təhlükəsiz zonalara keçmək əmri verilib.
Süveyş kanalından tranzit tamamilə dayandırılıb və bütün daşımalar Ümid burnu vasitəsilə yönləndiriləcək.
Şirkətlərin qərarları qlobal logistikaya ciddi zərbə vurur, çünki gəmilər Husi hücumları səbəbindən iki ildən çox bölgədən yayındıqdan sonra Süveyş kanalından keçən marşrutlara yalnız bu yaxınlarda qayıtmağa başlayıblar.
Yeni məhdudiyyətlər daşınmalarda əhəmiyyətli gecikmələr və dünya miqyasında daşınma xərclərinin artması ilə təhdid edir.
Əli Babayev
Bütün xəbərlər Facebook səhifəmizdə
.jpg "Makron Avropanı satdı - XƏYANƏT")
.jpg "ABŞ-dan İrana kritik danışıq təklifi - SON DƏQİQƏ")
.jpg "Rus əsgərləri Qovulu! - Nə Baş Verir?")
.jpg)
USD
EUR
GBP
RUB