Polşa Baş naziri Donald Tusk çərşənbə axşamı, 30 sentyabr tarixində ABŞ-ın Ukrayna üçün təhlükəsizlik zəmanətlərində iştirak etməyə və sülh müqaviləsindən sonra qoşunlarını Rusiya-Ukrayna sərhədinə və ya təmas xəttinə yerləşdirməyə razılıq verdiyini açıqladı.
Tusk bu açıqlamanı əsas Avropa ölkələrinin liderləri, Kanada Baş naziri, Avropa qurumlarının rəhbərləri və NATO Baş katibi ilə danışıqlardan sonra verdi.
SİA-nın məlumatına görə, onun sözləri RMF 24 radiostansiyası tərəfindən sitat gətirilib.
Polşa hökuməti başçısının sözlərinə görə, görüşdə "Ukrayna, Avropa, ABŞ və Kanada liderlərini bir araya gətirən çox ciddi danışıqların" birinci mərhələsinin nəticələri qiymətləndirilib. Tusk sülh razılaşmasının artıq üfüqdə olduğu və yaxın həftələr ərzində əldə edilə biləcəyi fikrini ifadə etdi.
O, bu cür gözləntilərin əsasının Amerikanın sülh müqaviləsindən sonra Ukrayna üçün təhlükəsizlik zəmanətlərinin verilməsində iştirak etməyə hazır olduğunu bəyan etməsi olduğunu vurğuladı.
"Məsələn, Ukrayna ilə Rusiya arasındakı sərhəddə və ya təmas xəttində Amerika qoşunlarının olması da daxil olmaqla." Polşa Baş naziri qeyd edib ki, "bu qədər aydın bəyanatlar ilk dəfədir verilir. Atlantik okeanının o biri tərəfindəki tərəfdaşlarımızın nə qədər ardıcıl olduğunu görəcəyik".
Əli Babayev
Bütün xəbərlər Facebook səhifəmizdə
USD
EUR
GBP
RUB
