21 noyabrda Aİ, Kanada və Yaponiya liderləri Ukraynada sülh üçün ABŞ-ın "sülh planı" layihəsinin daha da təkmilləşdirilməsini tələb etdiyini bildirdilər.
SİA-nın məlumatına görə, birgə bəyanatın mətni Aİ Şurasının saytında dərc edilib.
Siyasətçilər ABŞ-ın Ukraynada sülhün bərqərar olması üçün davam edən səylərini alqışladılar və ilkin 28 bəndlik "sülh planı" layihəsinin ədalətli və davamlı sülh üçün zəruri olan vacib elementləri ehtiva etdiyini qeyd etdilər.
Bəyanatda deyilir: "Biz inanırıq ki, bu layihə əlavə iş tələb edəcək bir təməldir. Gələcək sülhün sabitliyini təmin etmək üçün bu prosesə qoşulmağa hazırıq. Sərhədlərin güc yolu ilə dəyişdirilə bilməyəcəyi prinsipinə qətiyyətlə əməl edirik. Həmçinin Ukrayna Silahlı Qüvvələrinə təklif olunan məhdudiyyətlərdən narahatıq ki, bu da Ukraynanı gələcək hücumlara qarşı həssas edə bilər."
Aİ, Yaponiya və Kanada liderləri qeyd edirlər ki, "Avropa Birliyi və NATO ilə bağlı elementlərin tətbiqi müvafiq olaraq Aİ və NATO üzvlərinin razılığını tələb edəcək." "Ukraynaya davamlı dəstəyimizi vurğulamaq üçün bu fürsətdən istifadə edirik."
Sənəddə deyilir: "Yaxın günlərdə hərəkətlərimizi Ukrayna və ABŞ ilə sıx əlaqələndirməyə davam edəcəyik." Birgə bəyanatı Ursula fon der Leyen və Antonio Kosta, Mark Karni, Aleksandr Stubb, Emmanuel Makron, Maykl Martin, Jorja Meloni, Sanae Takaiçi, Dik Şof, Pedro Sançes, Key Starmer, Fridrix Merz və Jonas Qahr Stör imzalayıblar.
Əli Babayev
Bütün xəbərlər Facebook səhifəmizdə
.jpg "Bu ərazilər Azərbaycana qaytarılır")
USD
EUR
GBP
RUB