Kirov rayonunun Kilməz şəhər tipli qəsəbəsində 11 pensiyaçının yaşadığı çoxmənzilli sosial binada yanğın baş verib.
SİA-nın məlumatına görə, Mash Telegram kanalı yazır ki, iki nəfər ölüb, altı nəfər itkin düşüb.
Telekanalın məlumatına görə, Fövqəladə Hallar Nazirliyinin mütəxəssisləri yanan binadan 3 nəfəri xilas ediblər.
Xilasetmə işləri zamanı evin iki sakininin cəsədi aşkar edilib. Daha 6 pensiyaçının axtarışı davam edir.
Fövqəladə Hallar Nazirliyinin mətbuat xidmətindən verilən məlumata görə, 480 kvadratmetr sahədə yanğının söndürülməsi binanın dizayn xüsusiyyətlərinə görə çətinləşib. Yanğının söndürülməsində 46 mütəxəssis və 14 ədəd xüsusi texnika iştirak edib.
Departamentdən bildiriblər ki, hazırda yanğın sınaq laboratoriyasının mütəxəssisləri hadisə yerində işləyirlər. Yanğının səbəbi hələlik məlum deyil. Rayon İstintaq Komitəsində yoxlama aparılır və cinayət işinin başlanması məsələsi həll edilir.
Əli Babayev
Bütün xəbərlər Facebook səhifəmizdə
USD
EUR
GBP
RUB