ABŞ tarixinin ən dağıdıcı qasırğalarından biri olacağı proqnozlaşdırılan “Milton” qasırğasının yerli vaxtla oktyabrın 9-u axşam saatlarında (Bakı vaxtı ilə oktyabrın 10-u səhər saatlarında) Floridanın qərb sahillərinə daxil olması gözlənilir.
SİA-nın AZƏRTAC-dan əldə etdiyi məlumata görə, quruya çatan zaman 3-cü və ya 4-cü kateqoriyaya enəcək qasırğanın sürətinin saatda 200-210 kilometr olacağı deyilir. ABŞ Milli Qasırğa Mərkəzinin məlumatına əsasən, bu, Qərbi və Mərkəzi Floridada indiyə kimi qeydə alınmış ən güclü qasırğalardan biri olma potensialına malikdir.
Qasırğa ilə bağlı evakuasiya işləri oktyabrın 7-dən başlayıb. Qasırğanın ən çox əhatə edəcəyi Tampa, Sarasota və Fort Myers bölgələrində yaşayan 5,5 milyon insana yaşadığı əraziləri tərk etmək əmri verilib. Bəzi sakinlər evlərini tərk etmək istəmirlər. Yaxınlaşan qasırğanın gücünü nəzərə alan rəsmilər evlərində qalan insanların yaşamaq şanslarının aşağı olduğunu açıqlayıblar.
Qasırğaya görə ölkə üzrə 1700-dən çox uçuş təxirə salınıb.
Bütün xəbərlər Facebook səhifəmizdə
USD
EUR
GBP
RUB