“Biz Polşanın təhlükəsizliyini artırmaq üçün milyardlarla dollara aldığımız yeni silahlarımızı başqasına verə bilmərik”.
SİA-nın əldə etdiyi məlumata görə, bunu Polşa prezidenti Andjey Duda PAP xəbər agentliyinə verdiyi açıqlamada deyib.
Duda Baş nazir Mateuş Moravitskinin bu mövzuda verdiyi açıqlamaların “mümkün olan ən pis şəkildə” şərh edildiyini bildirərək, baş nazirin açıqlamasının Polşa ordusu üçün alınan yeni silahlarla bağlı olduğunu vurğulayıb.
Polşa ordusunu gücləndirmək istədiklərini vurğulayan Duda deyib:
"Polşanın təhlükəsizliyini artırmaq üçün milyardlarla dollara aldığımız yeni silahlarımızı başqasına təhvil verə bilmərik. Hazırda Cənubi Koreya yaxud ABŞ-dan aldığımız "Abrams", "Patriot" sistemləri və ya HIMARS kimi yeni silahların təhvil verilməsinə ilk qarşı etiraz edən mən olacağam".
Duda qeyd edib ki, onlar Polşa ilə Ukrayna arasında əvvəllər imzalanmış tədarük müqavilələrini yerinə yetiriblər və yerinə yetirməli olublar.
Prezident Duda bəyan edib ki, ordunun ehtiyatlarından çıxarılan bəzi texnikalar keçmiş sovet silahlarının bu günə qədər köçürüldüyü kimi Ukraynaya verilə bilər.
Qeyd edək ki, hökumət sözçüsü Piotr Müller bu gün erkən saatlarda PAP-a bildirib ki, "Polşa yalnız Ukrayna ilə imzalanmış müqavilələrə əsaslanan sursat və silahların əvvəllər razılaşdırılmış tədarükünü həyata keçirib.
Sentyabrın 20-də Baş nazir Moraviecki Polsat "News" televiziyasına verdiyi ilk açıqlamada "Ukrayna hakimiyyətinə xəbərdarlıq edirəm, əgər onlar münaqişəni bu şəkildə gərginləşdirsələr, biz Polşa ərazisinə idxal qadağasına daha çox məhsul əlavə edəcəyik" deyib.
Moraviecki axşam saatlarında verdiyi ikinci açıqlamada "Biz artıq Ukraynaya heç bir silah göndərmirik, çünki indi özümüzü ən müasir silahlarla edəcəyik" ifadəsini işlədib.
Bütün xəbərlər Facebook səhifəmizdə
USD
EUR
GBP
RUB
