Finlandiyanın baş naziri Sanna Marin bəyan edib ki, Rusiyanın Ukrayna üzərində mümkün qələbəsi digər təcavüzkarları gücləndirə bilər.
SİA-nın əldə etdiyi məlumata görə, Avstraliyada görüşlər keçirən Marin fevralın 24-dən bəri davam edən Rusiya-Ukrayna müharibəsinin mümkün nəticələri ilə bağlı bəyanatlar verib.
Baş nazir Sanna Marin bildirib ki, Rusiya Ukrayna üzərində qələbə qazanarsa, digər təcavüzkar ölkələr də güclənə bilər.
Baş nazir Sanna Marin Çin məsələsində Rusiyada olduğu kimi, bu ölkə kimi “avtoritar” ölkələrlə qurulacaq ticarət əlaqələrində “kritik asılılıqlardan” qaçınılmasının vacibliyini vurğulayıb.
"Məsələn, mikroçiplərə, yarımkeçiricilərə və ya hər hansı kritik texnologiyaya gəldikdə biz avtoritar ölkələrdən asılı ola bilmərik. Çünki o ticarət yolları birdən-birə kəsilsə, o zaman problemlərimiz olacaq",-deyə Sanna Marin qeyd edib.
Baş nazir Marin həmçinin Finlandiya da daxil olmaqla, Avropa İttifaqı ilə Avstraliya arasında yekunlaşdırılmış azad ticarət sazişinin çevik tədarük zəncirlərinin inkişafı üçün “fürsət” olduğunu bildirdi.
Finlandiyanın baş naziri daha sonra Avstraliyanın Baş naziri Entoni Albanese ilə görüşüb.
Hər iki tərəf birgə bəyanat yayaraq danışıqların açıq və demokratik cəmiyyətlər kimi davamlılığını gücləndirmək və davamlı inkişafı dəstəkləmək üçün birlikdə işləməyin zəruriliyini vurğuladıqlarını ifadə etdi.
Bütün xəbərlər Facebook səhifəmizdə
USD
EUR
GBP
RUB