Şəhidin xatirəsinə açıq birincilik yarışı keçirilib

Peşəkar idman klubunun və tanınmış idmançı, Prezident mükafatçısı, dünya və avropa çempionu Cavidan Qarayevin dəstəyi ilə oğlanlar və qızlar arasında cüdo üzrə klub komandaları arasında açıq birincilik keçirilib. SİA xəbər verir ki, turnir 44 günlük Vətən müharibəsində qəhrəmancasına şəhid olmuş, karate üzrə Avropa və Dünya çempionu İlkin Məmmədovun əziz xatirəsinə həsr edilib.

Yarış peşəkar idman klubunun zalında keçirilib.

180 idmançının (160 oğlan, 20 qız) iştirak etdiyi açıq birincilikdə 10 komanda qalib adı uğrunda mübarizə aparıb. İştirak edən komandalar yarışa Bakı, Sumqayıt və Xızıdan qatılıblar.

Qeyd edək ki, yarışda şəhid ailələri, şəhidin ailə üzviləri və dostları da iştirak edib.

Allah şəhidlərimizə rəhmət eləsin.

Qarabağ Azərbaycandır!

Müəllif: Aysel Məmmədova

Bütün xəbərlər Facebook səhifəmizdə

loading...