İdmançılarımız qurşaq güləşi üzrə beynəlxalq turnirdə yarışıblar

Azərbaycan idmançıları İranın Qolestan vilayətinin Qombed şəhərində keçirilən qurşaq güləşi üzrə beynəlxalq turnirdə iki medal qazanıblar. SİA-nın məlumatına görə, İran, Əfqanıstan, Türkmənistan və Azərbaycandan 100-ə yaxın idmançının iştirak etdiyi turnirdə Camal Feyziyev (100 kiloqramdan yuxarı) gümüş, Cavid Mustafayev isə bürünc medal qazanıblar.

Qeyd edək ki, ölkəmizi turnirdə 5 idmançı, 1 məşqçi və bir hakim təmsil edib. Komandamız yarışa Samir Abdullayevin rəhbərliyi altında qatılıb.

Bütün xəbərlər Facebook səhifəmizdə