Avroliqanın final oyununun məhz Bakıda keçirilməsi təəccüblü deyil. Çünki Bakı 2015-ci ildə birinci Avropa Oyunlarını təşkil edib, Formula 1 Qran-Prisinin ev sahibidir. Bu sözləri “Irish Daily Star” qəzetinin idman üzrə aparıcı yazarı Kiran Kaninqham özünün “Twitter” səhifəsində qeyd edib.
İrlandiyalı jurnalist bildirib ki, bundan əlavə Bakı 2020-ci ildə keçiriləcək Avropa çempionatının dörddəbir final mərhələsi olmaqla, ümumilikdə dörd oyuna da ev sahibliyi edəcək. “Azərbaycan irimiqyaslı idman tədbirlərinə ev sahibliyi edən əsas ölkələrdən biridir”, - deyə K.Kaninqham fikrini tamamlayıb.
Qeyd edək ki, Avroliqanın final oyunu mayın 29-da Bakı Olimpiya Stadionunda İngiltərənin “Arsenal” və “Çelsi” klubları arasında baş tutacaq.
Bütün xəbərlər Facebook səhifəmizdə
USD
EUR
GBP
RUB