"Çətin qrupa düşdüyümüzü və bizi nə gözlədiyini bilirik". Apasport.az saytının məlumatına görə, bu sözləri futzal üzrə Bosniya və Herseqovina yığmasının üzvü Nijas Mulahmetoviç deyib. Aprelin 7-11-də ölkəmizdə keçiriləcək futzal üzrə Avropa çempionatının əsas seçmə mərhələsində Bosniya və Herseqovina yığması Azərbaycan, Albaniya və Macarıstanla birlikdə B qrupunda yer alacaq. Komandanın ən təcrübəli oyunçularından sayılan Mulahmetoviç ölkəsinin mətbuatına açıqlama verib. O, Avropa çempionatının əsas seçmə mərhələsində özlərini yaxşı tərəfdən göstərməyə çalışacaqlarını qeyd edib: "Heyətimizin əksər üzvləri uğurlu mövsüm keçiriblər. Deməli, komandamız hazırda yaxşı formadadı. Bunu qarşıdakı oyunlarda göstərməliyik".
Mulahmetoviç qrup birincisi ola biləcəklərini istisna etməyib: "Biz irəli addım atmaq istəyirik. Əgər qrupda birinci olmaq şansımız yaransa, əlbəttə ki, bundan istifadə edəcəyik".
Bütün xəbərlər Facebook səhifəmizdə
USD
EUR
GBP
RUB