Beynəlxalq Cüdo Federasiyası hər ilin 28 oktyabr tarixində "Dünya Cüdo Günü"nü qeyd edir. Məhz cüdonun banisi Ciqoro Kano (Jigoro Kano) oktyabrın 28-də anadan olduğu üçün bu tarix cüdo günü kimi qeyd edilir.
SİA-nın məlumatına görə, bu gün dünyada 20 milyondan çox insan cüdo ilə məşğul olur. Beş kontinental ittifaqı özündə birləşdirən Beynəlxalq Cüdo Federasiyasına (İJF) 195 milli federasiya daxildir.
Azərbaycanda da bu idman növünə maraq çox böyükdür. 1992-ci ildə Nazim Hüseynov, 2008-ci ildə isə Elnur Məmmədli Olimpiya Oyunlarında çempion olaraq tarix yazıblar. 2013-cü ildə cüdoçumuz Elxan Məmmədov Azərbaycanın ilk dünya çempionu kimi tarixə düşüb. Azərbaycan cüdoçuları bir çox beynəlxalq yarışlarda, Avropa çempionatlarında parlaq qələbələr qazanıblar. Hazırda da cüdo üzrə milli komandamızın üzvləri mötəbər yarışlarda uğurlar qazanaraq ölkəmizin idman şərəfini ləyaqətlə ucaldırlar.
Bütün xəbərlər Facebook səhifəmizdə
USD
EUR
GBP
RUB