UEFA prezidenti Mişel Platininin Tükiyəyə gələcəyi gözlənilir. Siasport.az saytının məlumatına görə, onun Türkiyənin baş naziri Rəcəb Tayib Ərdoğanla görüşəcəyi bildirilir.
Türkiyə 2020-ci il Olimpiadasını qəbul etmək üçün müraciət etsə də, olimpiya oyunlarına ev sahibliyi etmək hüququ Tokiyoya verildiyindən qardaş ölkədə bütün ümidlər 2020-ci il futbol üzrə Avropa çempionatınadır. 2020-ci il futbol üzrə Avropa çempionatının yarımfinal və final matçlarına ev sahibliyi etmək üçün Türkiyə Futbol Federasiyasının prezidenti Yıldırım Demirörenin imzası ilə sənədlər bu gün və ya sabah UEFA-ya göndəriləcək. Məhz bu məsələ ilə bağlı UEFA prezidentinin Türkiyəyə gəlməsi, baş nazirlə görüşməsi və AVRO2020 sammitinin təşkil olunması gözlənilir.
Qeyd edək ki, 2020-ci il Olimpiadasını qəbul edə bilməyən İspaniya da bu yarışa ev sahibliyi etmək üçün sənədlərini təqdim edəcək.
Bütün xəbərlər Facebook səhifəmizdə
USD
EUR
GBP
RUB