Rusiyanın Qroznı şəhərində məktəblilər arasında an davam edir. Siasport.az saytı xəbər verir ki, yarışın ilk günündə rinqə çıxan 5 boksçumuzdan 3-ü növbəti mərhələyə vəsiqə qazanıb. 43 kq çəki dərəcəsində mübarizə aparan Rüfət Hüseynov irlandiyalı Yuqqen Makkiveni minimal hesabla məğlub edib - 1:0. Sərxan Əliyev də (46 kq) ilk döyüşünü qələbə ilə başa vurub. Boksçumuz bolqarıstanlı Borislav Aleksandrovu rinqə çıxmağa peşman edib - 10:0. 50 kq çəki dərəcəsindəki təmsilçimiz Tayfur Əliyev də İrlandiya təmsilçisini mübarizədən kənarlaşdırıb. Həmyerlimiz Ceyms Kinanı 10:3 hesabı ilə üstələyib. Mirağa İsmayılov (38,5 kq) və Qüdrət Quliyev (41,5 kq) isə ilk görüşlərində Ukrayna təmsilçilərinə uduzublar.
Yarışın ikinci günündə isə 6 boksçumuz rinqə çıxıb. Onlardan 5-i öz döyüşlərini qələbə ilə başa vurublar. 40 kq çəki dərəcəsində yarışan Pərviz Quliyev gərgin mübarizədə Ukrayna nümayəndəsi Daniel Lapini 4:3 hesabı ilə məğlub edib. Elməddin İsmayılov (44,5 kq) Türkiyə nümayəndəsi Eren Can Bağçe üzərində inamlı qələbə qazanıb - 7:1. Sərxan Əliyev (46 kq) isə artıq ikinci döyüşünü qələbə ilə başa vurub. Həmyerlimiz bu dəfə irlandiyalı Ceyms Makdonahı 4:1 hesabı ilə üstələyib. 48 kq-da döyüşən Həsən Abbasov da rinqi qələbə ilə tərk edib. O, ukraynalı Andrey Maslovski üzərində 10:5 hesabı ilə qələbə qazanıb. Rövşən Musayev də (59 kq) Ukrayna təmsilçisinə qənim kəsilib. İdmançımız Vladislav Demidovu 13:3 hesabı ilə məğlub edib. Yarışın ikinci günündə milli komandamızın üzvlərindən yalnız İsmayıl Hüseynov (52 kq) mübarizəni dayandırıb. Boksçumuz moldovalı Dorin Bukşaya 1-2 hesabı ilə məğlub olub.
Bütün xəbərlər Facebook səhifəmizdə
USD
EUR
GBP
RUB