Qurtuluş Günü öncəsi Cocuq Mərcanlı camaatının yeni çəkilmiş yolla büsbütün dəyişmiş qəsəbələrinə qayıtmalarına start verilməsində bir rəmzlik var. Bu sözləri SİA-ya açıqlamasında millət vəkili Sahib Alıyev deyib.
Millət vəkili bildirib ki, Cocuq Mərcanlıya qayıdış onun qurtuluşundan başlandı: “Cocuq Mərcanlıya çəkilən yeni yol, əslində bir Qurtuluşdan o biri Qurtuluşa - Qarabağın Qurtuluşuna, cənab Prezident İlham Əliyevin sözləri ilə desək, Azərbaycan bayrağının Şuşada dalğalanmasına aparan yoldur”.
Sahib Alıyev qeyd edib ki, torpağa bağlılığı ilə seçilənlərdən biri də Oqtay Həziyevdir: "O Oqtay Həziyev ki, Lələ təpə azad olunana qədər 23 il boyunca Cocuq Mərcanlıda düşmənlə üz-üzə yaşayan yeganə ailənin başçısıdır. Prezidentimiz cənab İlham Əliyevin onu 1-ci dərəcəli “Əmək” ordeni ilə təltif etməsi Oqtay Həziyev kimi insanların doğma torpağına dərin bağlılığına, vətənpərvərlik hissinin yüksəldilməsində göstərdiyi şəxsi örnəyə verilən dəyərdir".
Bütün xəbərlər Facebook səhifəmizdə
USD
EUR
GBP
RUB