...Təcrid qocalıqda psixoloji rifahın qorunmasında əsas maneədir.
SİA-nın əldə etdiyi məlumata görə, bu barədə səksən iki yaşlı psixiatr Luis Rojas Markos ABC-yə bildirib.
Mütəxəssis qocalığın qaçılmaz bədbəxtlik dövrü olduğuna dair geniş yayılmış inancın tamamilə əsassız olduğunu vurğulayıb.
Onun sözlərinə görə, zehni rifahı qorumaq üçün yaşlı insanların sosial cəhətdən aktiv qalması və cəmiyyət üçün əhəmiyyətini hiss etməsi vacibdir.
Buna müntəzəm sosial qarşılıqlı əlaqə, sevimli hobbi ilə məşğul olmaq və ya könüllü fəaliyyətlərdə iştirak etməklə nail olmaq olar.
Markos həmçinin şəxsi həyat mövzusuna toxunaraq qeyd edib ki, sosiallaşmaya romantik münasibətlər də daxildir.
…Yaşlı insanlar da seksdən zövq almaq istəyirlər. Heç nə hiss etmədiklərini və əziyyət çəkmədiklərini düşünmək səhvdir, - deyə ekspert bildirib.
O, yaşlı xəstələrdə cinsi istəyin tamamilə yox olmasını təbii hesab edən həkimlərin mövqeyi ilə razılaşmayıb.
Psixiatr 75-85 yaş arası insanların əksəriyyətinin cinsi əlaqəyə davam etdiyini göstərən məlumatlara istinad edib.
Əli Babayev
Bütün xəbərlər Facebook səhifəmizdə
USD
EUR
GBP
RUB