“Hər gün bədən dilindən ünsiyyət növü kimi istifadə olunur. Qorxu, sevinc, həyəcan, təəccüb, hətta laqeydliyi məhz həmin ünsiyyət vasitəsi ilə ifadə edilir”. Bu fikirləri SİA-ya açıqlamasında Azərbaycan Dövlət Pedaqoji Universitetinin müəllimi, psixologiya üzrə fəlsəfə doktoru Yeganə Əsgərova deyib. Onun sözlərinə görə, bədən dili də ünsiyyət növüdür: "Ünsiyyət verbal və qeyri-verbal olur. Verbal ünsiyyətə nitq, danışıq, qeyri-verbal ünsiyyətə isə jestlər, pozlar, mimikalar daxildir. Bu elmdə göz bəbəyinin böyüməsi, kiçilməsi, bədən temparaturu, səsin titrəməsi, udqunmaq və s. çox önəmlidir. Bədən dili və mimikanı ən yaxşı uşaqlarda müşahidə etmək olar, çünki onlar öz mimikalarını gizlədə bilmirlər”.
Psixoloq Yeganə Əsgərova hesab edir ki, insanlarla razılığa gəlmək, uğurlu münasibətlər qurmaq üçün bədən dili təməl vasitədir. Diqqət yetirilmədikdə də həmin ünsiyyət növü həyatda təsəvvür ediləndən daha çox və mühümdür: “Məsələn, qəzəbli danışarkən və qarşıdakı insana qəzəb dodağın üst hissəsi bir qədər yuxarı qalxır və alında gərginlik hiss olunur. Kədər və ya hüzn ifadəsi zamanı isə, əksinə, dodağın alt hissəsi aşağıya doğru enir və dodaqlar bir-birinə sıx olur. Utancaqlıq hissi yaşayanda gözlər aşağıya doğru enir, çiyinlər bir qədər yuxarıya doğru qalxır və gözlərini hədəfdən qaçırmağa çalışır. Yalan danışanların çiyin nahiyəsində bir qədər yuxarıya və ya geriyə doğru çəkilmələr, atmalar olur, üzünə, bədəninə və yaxud köynəyinin arxasına toxunmağa çalışır”, - deyə psixoloq fikrini tamamlayıb.
Afət Tahirqızı
Bütün xəbərlər Facebook səhifəmizdə
.jpg "Ermənistan sərhədə ordu yığır – Rusiyanın önəmli adamı Bakıya gəlir")
.jpg)
USD
EUR
GBP
RUB