Almaniya kansleri Olaf Şolz və Rusiya prezidenti Vladimir Putin arasında telefonla 90 dəqiqəlik söhbət olub. SİA xəbər verir ki, Almaniya hökumətinin sözçüsü Steffen Hebestreit tərəfindən verilən açıqlamada, baş nazir Şolz ilə Rusiya prezidenti Vladimir Putin arasında 90 dəqiqəlik telefon danışığı zamanı Rusiyanın Ukraynaya qarşı müharibəsi və onun nəticələrinin müzakirə edildiyi bildirilib.
Açıqlamada Şolzun Putini atəşkəsin tezliklə əldə edilməsinə, Rusiya qoşunlarının tamamilə çıxarılmasına və Ukraynanın ərazi bütövlüyü və suverenliyinə hörmət əsasında diplomatik həll yolu tapmağa çağırdığı bildirilib. Rusiyanın növbəti ilhaq hərəkətlərinin cavabsız qalmayacağını və heç bir halda tanınmayacağını vurğulayan Şolz, Zaporojye Atom Elektrik Stansiyasının təhlükəsizliyinin təmin edilməsinin vacibliyinə də toxunub.
İki liderin xüsusilə gərgin qlobal ərzaq vəziyyətini də müzakirə etdikləri bildirilən bəyanatda kanslerin Birləşmiş Millətlər Təşkilatının himayəsi altında taxıl dəhlizi sazişinin əhəmiyyətini vurğuladığı və razılaşmanın tam şəkildə davam etdirilməsi lazım olduğunu vurğuladığı bildirilib.
Bütün xəbərlər Facebook səhifəmizdə
USD
EUR
GBP
RUB