"Ermənistan mina xəritələrini Azərbaycana verməkdən yayınır" - HƏRBİ EKSPERT ŞƏRH ETDİ

“Hərbiçilərin minaya düşməsində əsas səbəb vətəndaşın şəxsi sağlamlığına, həyatına məsuliyyətsiz yanaşmasından qaynaqlanır. Təbii ki, Ermənistan da mina xəritələrini Azərbaycana verməkdən yayınır. Verdiyi xəritələr də kifayət qədər yanlışdır”. Bu sözləri SİA-ya açıqlamasında hərbi ekspert Ədalət Verdiyev deyib.

Onun sözlərinə görə amma işarələnmiş minanın olduğu və işarələndiyi aşkar görünən bir əraziyə vətəndaşımızın daxil olması özünəqəsdə bərabər addım kimi nəzərdən keçirilməlidir: “Həll yolları da ondan ibarətdir ki, vətəndaşlarımız anlamalıdır ki, əgər ora mina işarəsi qoyulubsa deməli əraziyə girmək olmaz”.

Ədalət Verdiyev sözlərinə belə davam edib: “Əgər orada çalışan və xidmət edən hərbiçilərə göstərilirsə ki, hansı yolla gedib gəlmək lazımdır o yolla getsinlər. Bir nardan ötrü insan həyatını riskə atmalı deyil”.

Ayşən Vəli

Bütün xəbərlər Facebook səhifəmizdə

loading...