Xarkovun müvəqqəti meri İqor Terexov Rusiya-Ukrayna münasibətlərini normallaşdırmağın lazım olduğunu açıqlayıb. SİA xəbər verir ki, bu barədə Babel nəşri yazır.
"Xarkov bir Avropa şəhəridir. Bununla yanaşı, Rusiya ilə vəziyyətin normallaşması üçün Rusiya ilə normal qarşılıqlı faydalı iqtisadi əlaqələr qurmalıyıq", deyə Terexov qəzetə müsahibəsində bildirib.
Nəzərə çatdıraq ki, Moskva ilə Kiyev arasındakı münasibətlər Donbasdakı vəziyyət fonunda pisləşib. Ukrayna hakimiyyəti bundan əvvəl dəfələrlə Rusiyanı ölkənin daxili işlərinə qarışmaqda günahlandırmışdı.
Xatırladaq ki, 2015-ci ilin yanvarında Ali Rada Rusiya Federasiyasını "təcavüzkar ölkə" adlandırıldığı bir bəyanat qəbul edib. Rusiya isə Ukrayna tərəfinin ittihamlarını rədd edir və qəbuledilməz adlandırır. Moskva dəfələrlə Ukraynanın daxili münaqişəsinin tərəfi olmadığını və Kiyevin siyasi və iqtisadi böhrandan çıxmasında maraqlı olduğunu bildirib.
Onu da diqqətə çatdıraq ki, bir qədər əvvəl Sputnik radiosu Ukraynanın Krımı "geri qaytarmaq" üçün "fantastik" bir plan qurduğunu bildirmişdi.
Bütün xəbərlər Facebook səhifəmizdə
USD
EUR
GBP
RUB