“Türkiyənin Cənubi Qafqazda mövqeyini gücləndirmək istiqamətində tutduğu kurs Moskvanın PKK terror təşkilatının Suriya qolu YPG ilə əməkdaşlıq etməklə cavab verdi. Ötən gün YPG terror təşkilatının bir neçə yüksək çinlisi Moskvaya gedərək xarici işlər naziri Sergey Lavrov və bir neçə yüksək səviyyəli rəsmilərlə danışıqlar aparıb. Bu, Moskvanın Türkiyəyə qarşı təzyiq siyasəti ilə yanaşı, bir terror təşkilatına verdiyi dəstəkdir”. Bunu SİA-ya politoloq Məhəmməd Əsədullazadə deyib.
Onun sözlərinə görə, Rusiya PKK-nı və onun Suriya qolu olan YPG-ni terror təşkilatı kimi tanımır və Moskvada YPG-nin nümayəndəliyini açıb: “Qeyd edim ki, Suriyada Türkiyə ilə birgə kordinasiyalı fəaliyyət göstərən Rusiyanın YPG terror təşkilatına maliyyə və silah göndərməsi mümkündür. Bu fəaliyyətin Türkiyənin əleyhinə yönləndiriləcəyi mümkündür. Moskvada terror təşkilatı ilə aparılan danışıqlar birbaşa Türkiyəyə qarşı yönəlib. Bir müddətdən sonra, Türkiyə hərbiçilərinə qarşı terror hücumlarının YPG tərərfindən həyata keçiriləcəyinin şahidi ola bilərik.
Qeyd edim ki, Suriyada kürdlərin ABŞ-ın üstündən Rusiya ilə danışıqalara getməsi, YPG terror təşkilatının yeni bir hakimi axtarışıdır. Çünki, ABŞ YPG-nin Türkiyəyə qarşı terror hücumlarına bir müddətdir ki, icazə vermir. Bundan istifadə edən Rusiya YPG-ni Türkiyəyə qarşı yönləndirəcək. Bu da ABŞ və Türkiyənin bu terror təşkilatına qarşı yeni kəskin siyasət ortaya qoymasına gətirəcək. Əgər, YPG Türk Ordusuna hücum edərsə, Rusiya YPG-ni qurtara bilməyəcək. ABŞ Türkiyəni dayandıra bilmədi, Rusiyanın bunu edə biləcəyi çətin məsələdir.
Ankaranın Cənubi Qafqaza gəlişi, Azərbaycanla sıx hərbi ittifaqı Moskvanı narahat etməkdədir. Bir məsələni qeyd edim ki, ABŞ -da Grücüstanda hərbi iştirakını artırmaqla, NATO-nun bu ölkədə fəaliyyətinə gətirib çıxardı. Türkiyə NATO ölkəsidir və Azərbaycanda güclənməsi, gələcək perspektivdə NATO-nun regionda olması deməkdir.
Göründüyü kimi Rusiya həm Türkiyəyə qarşı, həm də Azərbycana qarşı onun düşmənləri ilə sıx müttəfiq əlaqələrinə malikdir. Azərbaycan və Türkiyə nə qədər Rusiya ilə xoşməramlı siyasətə üstünlük versədə, Kreml daha da aressiv siyasətə üstünlük verir”.
Bütün xəbərlər Facebook səhifəmizdə
USD
EUR
GBP
RUB