Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının Apelyasiya komissiyasının iclası keçirilib.
Qurumdan SİA-ya verilən xəbərə görə, Şura üzvləri Əliməmməd Nuriyev, Dilarə Vəliyeva, müstəqil ekspert İsrail İskəndərov (komissiyanın sədri) və Katibliyin hüquqşünası Vüsal Quliyevdən ibarət Apelyasiya komissiyası Katibliyin icraçı direktoru Fərasət Qurbanovun iştirakı ilə maliyyə müsabiqəsinin nəticələri ilə razılaşmayan 2 QHT-nin şikayət ərizəsini araşdırıb.
Apelyasiya komissiyasına ərizə ilə müraciət etmiş Qadın Təşəbbüsü və Sosial problemlərin Həllinə Yardım İctimai Birliyi, eləcə də Azadlıq Hərəkatçıları İctimai Birliyi rəhbərlərinin nəzərinə onların layihə təkliflərində yol verilmiş çatışmazlıq və nöqsanlar çatdırılıb.
Şəffaf və qarşılıqlı anlaşma şəraitində keçən araşdırmalarda bununla yanaşı qeyd edilib ki, təşkilatlar bu layihələrindəki qüsurları aradan qaldırmaqla onları Şuranın keçirəcəyi növbəti maliyyə yardımı müsabiqəsinə təqdim edə bilərlər.
Bütün xəbərlər Facebook səhifəmizdə
USD
EUR
GBP
RUB