Türkiyə Suriyada ABŞ-ın tərk edəcəyi bölgələrdə terrorla mübarizədə məsuliyyət üzərinə götürməyə hazırdır. SİA-nın "Anadolu"ya istinadla verdiyi xəbərə görə, bunu ABŞ Ticarət Palatası üzvləri və Ankarada Türk-Amerikan Şurası üzvləri ilə görüşdə Türkiyə prezidenti Rəcəb Tayyib Ərdoğan bəyan edib.
"Biz bütün terror təşkilatları, o cümlədən ölkəmizi, bölgəni və dünyani təhdid edən İŞİD-ə qarşı mübarizə aparmağa məcburuq", deyə o bildirib.
Ərdoğan qeyd edib ki, Türkiyə Suriyanın şimalında təhlükəsizlik zonası yaratmaq və onu idarə etmək üçün bütün imkanlara sahibdir: "Bizim yalnız müttəfiqlərimizin lojistik dəstəyinə ehtiyacımız var".
Prezident Ərdoğan Suriyadakı təhlükəsizlik zonalarında qaçqın düşərgələri üçün konteyner şəhərciyinin təşkil edilməsini təklif edib.
Bütün xəbərlər Facebook səhifəmizdə
USD
EUR
GBP
RUB