Bu gün BDU Tələbə Həmkarlar İttifaqı Komitəsi (THİK) tələbələr arasında tədris göstəriciləri, nümunəvi nizam-intizam, universitetin ictimai həyatında fəallığı ilə fərqlənən, yoldaşları arasında xüsusi nüfuza malik olan tələbələrin müəyyən edilməsi məqsədi ilə "İlin ən yaxşı tələbəsi" adlı seçki müsabiqəsinin qaliblərinin mükafatlandırılma mərasimini keçirib.
SİA-nın xəbərinə görə, mərasimi açıq elan etmək üçün söz Bakı Dövlət Universitetinin rektoru, akademik Abel Məhərrəmova verilib.
Rektor "İlin ən yaxşi tələbəsi" adını qazanmış tələbələri təbrik edərək onları bu fəxri ada daim sadiq qalmağı və daha böyük nailiyyətlər əldə etməyi arzulayıb.
Sonra söz Gənclər və İdman Nazirliyinin sektor müdiri Elşən Hüseynova verilib. Belə müsabiqələrin keçirilməsinin faydasından danışan natiq qalibləri təbrik edib.
Daha sonra, söz Tələbə Həmkarlar İttifaqı Komitəsinin sədri Daşqın Qənbərov və THİK-in sədr müavini Sahil Hacıyevə verilib. Onlar da öz növbələrində müsabiqə qaliblərini təbrik edərək THİK-in 2010-cu ildə sərgilədiyi fəaliyyət, həyata keçirilmiş tədbirlər və görülməli işlər haqqında məlumat veriblər.
Sonda rektor Abel Məhərrəmov müsabiqə qalibi olmuş tələbələrə diplomlar təqdim edib.
Mərasim konsert proqramı ilə yekunlaşıb.
Bütün xəbərlər Facebook səhifəmizdə
USD
EUR
GBP
RUB