İsveç Yanğınsöndürmə Briqadasının nümayəndə heyəti Fövqəladə Hallar Nazirliyinin (FHN) müvafiq qurumlarının iş fəaliyyəti ilə tanış olmaq üçün oktyabrın 17-dən 22-dək Azərbaycanda səfərdə olub. FHN-dən SİA-ya verilən məlumata görə, səfər qurumlararası səviyyədə təbii fəlakətlərə və texnogen qəzalara hazırlıq üzrə qarşılıqlı təcrübənin öyrənilməsi məqsədi daşıyıb.
Səfər zamanı nümayəndə heyəti FHN-nin strukturuna daxil olan Dövlət Yanğından Mühafizə Xidməti, Mülkü Müdafiə Qoşunları, Xüsusi Riskli Xilasetmə Xidməti, Böhran Vəziyyətlərində İdarəetmə Mərkəzi, Xəzər Hövzə Qəza-xilasetmə Xidməti və Nazirliyin Akademiyasının fəaliyyəti ilə tanış olub. Eyni zamanda, səfər çərçivəsində isveçli nümayəndələrlə fövqəladə hallar nazirinin müavini general-mayor Etibar Mirzəyev arasında görüş keçirilib.
Görüş zamanı ikitərəfli münasibətlərin hazırkı vəziyyəti və gələcək perspektivləri barədə müzakirələr aparılıb.
Bütün xəbərlər Facebook səhifəmizdə
USD
EUR
GBP
RUB