Almaniya Mədəniyyətlərarası Forumu Gürcüstanın Sülh və İnkişaf Agentliyi ilə birgə Avropa Birliyi "Gənclər fəaliyyətdə" Proqramı çərçivəsində 1-10 Sentyabr 2010-cu il tarixlərində Gürcüstanın Kobuleti şəhərində "Konfliktlərdə yaradıcılıq–Gənclərin konfliktlərin həllində rolu"mövzusunda gənclərin mübadilə proqramını həyata keçirir. SİA-nın məlumatına görə, proqramda 8 ölkədən – Azərbaycan, Böyük Britaniya, Rusiya, İtaliya, Bolqarıstan, Gürcüstan, Almaniya və Ermənistandan gənclərdən ibarət nümayəndələr iştirak edir.
Azərbaycan Respublikasının 5 nəfərlik nümayəndə heyətini "İRƏLİ" İctimai Birliyinin İdarə Heyətinin üzvü Tinatin Vəliyeva, İRƏLİ fəalları Nərmin Məmmədova, Azər Abdullayev, Hakim Ələskərov və Fikrət Qasımzadə təmsil edir.
31 Avqust 2010-cu il tarixində Azərbaycanlı təmsilçilər ilk öncə Gürcüstanın paytaxtı Tbilisi şəhərində Ümummilli lider Heydər Əliyevin şərəfinə salınmış parkı və büstü ziyarət ediblər.
1 Sentyabr 2010-cu il tarixində rəsmi açılışla işə başlayan mübadilə proqramı çərçivəsində hər gün 2 dövlət mədəniyyətinin tanıtım gecəsini həyata keçirir. Artıq 3 gündür davam edən proqram çərçivəsində gənclər Konfliktologiya, konfliktlərin tipologiyası və dinamikasını müzakirə edir, regional konfliktlər üzərində analizlər aparırlar.
Qeyd edək ki, 5 Sentyabr 2010-cu il tarixində proqram çərçivəsində Azərbaycan mədəniyyət gecəsi keçiriləcəkdir.
Bütün xəbərlər Facebook səhifəmizdə
USD
EUR
GBP
RUB