Birləşmiş Millətlər Təşkilatı (BMT) Təhlükəsizlik Şurasının müvəqqəti üzvü Türkiyə sabahdan bir aylıq müddətinə Şuraya başçılıq edəcək. SİA-nın məlumatına görə, Türkiyə sədrliyi Şuranın daimi üzvü olan Rusiyadan təhvil alacaq.
Beləliklə, Türkiyə BMT Təhlükəsizlik Şurasına ikinci dəfə sədrlik edəcək. Bir ay müddətində 192 ölkənin iştirakı ilə BMT-nin gələcək vəzifələri ilə bağlı bir sıra iclaslar olacaq və 20-22 Sentyabr tarixlərində "Minilliyin İnkişaf Hədəfləri" zirvəsi keçiriləcək. Türkiyə 1951-1952, 1954-1955 və 1961-ci illərdə də BMT Təhlükəsizlik Şurasında müvəqqəti üzv vəzifəsini yerinı yetirmişdi.
Türkiyənin BMT Təhlükəsizlik Şurasında edəcəyi bir aylıq sədrliyindən narahatlığını bildirən ermənilər sədrlik müddətinin 20-22 Sentyabr tarixlərində keçiriləcək BMT Baş Assambleyasının 65-ci sessiyasına təsadüf etməsindən xüsusilə təşvişə düşüb. Sessiyada Azərbaycanın təklifi ilə "Azərbaycanın işğal olunmuş ərazilərində vəziyyət"lə bağlı qətnamənin müzakirəsi gözlənilir.
Bütün xəbərlər Facebook səhifəmizdə
USD
EUR
GBP
RUB